ညက အိပ်မက် မက်တယ် ... အိပ်မက်ထဲမှာ ကျနော်က အိပ်နေတုန်း ... လန့်နိုးပြီး အိပ်မက်ထဲကို ရောက်သွားတယ် ...။ အိပ်မက်မက်နေချိန်မှာ အိပ်မက်မက်နေမှန်းမသိရတာ သိပ်ကိုဆိုးတာပဲ ...။ အိပ်နေရာကနေလန့်နိုးပြီး အိပ်မက်ထဲရောက်သွားတဲ့ အဖြစ်မျိုး ခင်ဗျားတို့ရော ကြုံဖူးကြလား ...။ ထားပါ ...။ ကျနော့် အိပ်မက်အကြောင်းဆက်ပြောမယ် ...။ ကျနော် နိုးလာပြီဆိုပြီး မျက်စိကို ဖွင့်ကြည့်လိုက်တယ် ...။ ဒါပေမယ့် မျက်စိမှိတ်ထားသလိုပဲ ဘာမှ မမြင်ရဘူး ။ မျက်စိကို မှိတ်ထားမိသလား ... ဖွင့်ထားတာလားဆိုတာကိုတောင် ကိုယ့်ကိုယ်ကို မရေမရာဖြစ်နေရတယ် ...။ နောက်ပိုင်း ကိုယ့်မျက်စိကိုကိုယ် လက်နဲ့စမ်းကြည့်တော့မှပဲ ... မျက်စိတွေဖွင့်ထားရက်နဲ့ ဘာမှမမြင်ရတာမှန်းသိတော့တယ် ...။ ဒါဆို ... ကျနော် မျက်စိတွေကန်းသွားတာလား။ ဒါမှမဟုတ် ... အခန်းကပဲ ဘာမှမမြင်ရအောင်မှောင်နေတာလား။ တစ်ခုခုကို ပြတ်ပြတ်သားသားမြင်ရဖို့ မျက်စိတွေရှိနေရုံနဲ့ မလုံလောက်ဘူးလို့ တွေးလိုက်မိတယ် ...။ တစ်ခုခုကို ပြတ်ပြတ်သားသားမြင်ရဖို့ မျက်စိတွေအပြင် ... အလင်းလဲ လိုအပ်သေးတာပဲ။
